*اطلاعات موجود در سایت بیشتر بصورت میدانی جمع آوری شده است و احتمال اشتباه وجود دارد . ما را در رفع اشتباهات و تکمیل اطلاعات، یاری نمایید . منتظر ارسال مقالات، مطالب و دست نوشته های شما اهالی روستا، درباره موضوعات مختلف هستیم*

ته نوم دکِّل ، مه کلِّـه یور نشونه

 

 

 

 

امروز روز ميلاد حضرت فاطمه(س) هَسّه، روزي هسّه كه هَمينتاي وِسّه به  نوم جان مارون وُ  زنان  اسم بهيته. اتي روز  تمومي زنان وُ تمومي مارون ره مواركا.

 

 آرزو دارمي بتونيم قدر شِه مارون ره ويشتر بدونيم و قدر شِه زنا ره هم بدونيم كه صواحي تا نماشته تَجِننه مثل اتا مردي، تا زندگي خرج ره هم پيش بَوِرِن.

 

 قديم واري، زنان وُ مارون زحمت ره ياد نكنيم، الآن هم درنه مارون يا زناني كه، صواحي اذان گِدِر راس بوننه تا نصفه شو، هم سِره كار ره رَسِنِنه، هم دشت و صحراي كار ره، وچون كار هم كه تمومي ندارنه. الآن اتا سر دشت و صحرا بوريم، ويمّي چتي درنه دشت دله نشا كننه وُ وِشونِ تا چِشِ خِنه همه تیله.

 

وشون قدر ره ويشتر بدونيم وُ ، وشون حرف ره گوش هكنيم وُ  ونه جان بهوتن ره ياد بهيريم وُ ، وره  ناراحت نكنيم.

 

 اسا مارون، شه وچون جا هيچي نخواننه، گِننه وَچون كه سلامت بوئن وُ  خش روزگار دارن، اگه سيوا بهينه، شه زندگي دله، دلخشي دارن، امه وِسه وَسّه. دعا هم كننه كه وشون وچون شه زندگي سر، خير بخرن.

 

 ياد داريم اگه دير شهر درمي يا نزديك په، اتا سر  اتي روز شه جان مار ره بزنيم، تلفن پشتي هم نهوُوِه. ونه چش راه دره. نياره كه سمباري كه روشن هكرده، نماشته سر بهيه، دكوشه كه  هي....   امسال هم وچون ني يمونه و برمه چش بهوُوِه. نا خداره خش اِنه، نا خلق خداره.

 

 اتا شاعر كه امه هِمسَيگي دره، اتا شعر جان مار خَوري بهوته، قشنگه شِعر هسه، تقديم كمي همه مارون ره.

 

 

 

 

تــه روز وُ جشن وُ ماری ی بـلاره

تــه خنـده ، تــه خشالی ی بـلاره

 

 

 

تــه وسه نــوم بهیته روز مــــادر

خِنه سر، چکـه  شادی ی بــلاره

 

 

 

ته دل خِش وُ  ، ته تن باشه سلامت

مــــوارک ، دسه جمی ی بـلاره

 

 

 

تــه زحمت هَنتا هَسه مره حــالی

صـــواحــی ، پینمازی ی بـلاره

 

 

 

خــونسی ، لالا  لالا ، خـو بورم من

نصفه شــو تا صـواحـی ی بلاره

 

 

 

بساتــی بـا نــداشتی زندگی تو

ناختـی ، پلــی پلــی ی بـلاره

 

 

 

تـه سر بار لگـن ، سر  پیته پـارچه

تـه مومـله ، جیف خالی ی بلاره

 

 

 

مـه یاده ، پیته چـادر تـه کمر سر

وجین وُ  دشت وُ  سبزی ی بـلاره

 

 

 

خنـه کـار وُ ، تـو صحـراره قراری

تـه وشنـا ، تشنـا گلــی ی بـلاره

 

 

 

ته حرف و ته زمِرجا بَیمِه من گت

ته ساقـــه سر، ناز نازی ی بـلاره

 

 

 

ته نوم  دکّل ، مه کلّـه یور نشونه

فـــراوُن کمبه شادی ی بـلاره

 

 

 

موارک طاهری دارنه ، اسا شعر

گنـه مــادر تـه ماری ی بـلاره

 

 

 
 

 

شعر از : میر حمزه طاهری هریکنده ای نوپا

 

 

 

 

 

 

 

 

 

 

 

 

 

 

 

 

به ياد همه جان ماروني كه امه پيش جا بوردنه.

 

 

 

 

 

 

 

ارسال نظر

وبسايت روستا مجاز به ویرایش ادبی نظرات مخاطبان است و از انتشار نظراتی که حاوی توهین یا بی‌احترامی به اشخاص حقيقي يا حقوقي و موارد مغایر با قوانین كشور باشد معذور است.

کد امنیتی
بارگزاری مجدد

درباره روستا
شهدا
حماسه سازان
مردم شناسی
کشاورزی
مشاغل و صنایع
آموزش
ورزش
زنان
خیرین
روستائيان نمونه
بنياد علمي فريد
آئينهاي مذهبي
نهادهای اجرایی
بهداشت
مقالات و مطالب مختلف
دیگر موضوعات

 

 

روستــا20