*اطلاعات موجود در سایت بیشتر بصورت میدانی جمع آوری شده است و احتمال اشتباه وجود دارد . ما را در رفع اشتباهات و تکمیل اطلاعات، یاری نمایید . منتظر ارسال مقالات، مطالب و دست نوشته های شما اهالی روستا، درباره موضوعات مختلف هستیم*

بخشي از شعرهاي عاشقانه روستاي مان

   


 

 

عقل وِنه آدم کلّه دهو وه                            کيجا وِنه آدمِ مله دهو وه

صِواحي نماشون راه کوچه
دوّه                چِش وه ره بوينه دل تازه بوّه


----------------------------------------------------

کيجا جان سر ته، من زن نورمه              همون قول که هدامه، ته ره ورمه

همان قول هدامه ديروز نماشون            کدوم کافر ته ره کرده پشيمون

----------------------------------------------------

بورم يزد و ته وِ يزدي بيارم                 ته وسّه مخمل عالي بيارم

کاري نکن ته سر وسني بيارم           ته ململ چش ره عصري بيارم


----------------------------------------------------


ته بوردن بوردن آ مه هارش هارش          قشنگ کيجا جان دنبال ره هارش

کهو آسمون ره کمبه سفارش               ته بوري بين راه دئيره وارش


----------------------------------------------------

سر تپه نماز کند کيجا جان                  کمر ره دلا راس کند کيجا جان

خدا جه التماس کند کيجا جان              مه ره شِه ور دراز کند کيجاجان

----------------------------------------------------

اونجه ته اسّايي مه روبروئه                 ته تن کت و شلوار رنگ کهوئه

اگر دونم اين عاشقي دروئه                يک مثقال ترياک اين جان گروهه

----------------------------------------------------

دياري دياري نزن اشاره                    دشمنون بيتنه دور اماره

الهي دشمن دل بووئه پاره               من آ ته عاشقي ندارنه چاره

----------------------------------------------------

اگر مه ره خواني شب تار برو             ندارني وسيله با قطار برو

اگر دشمن بهيته سر راه ره                هاکن ميون برو آب درياره

----------------------------------------------------

برو تا گندم يک دانه بويم                         برو تا او رودخانه بويم

همين که شو بيّه دستي به گردن           که روز، روشن بيه بيگانه بويم

----------------------------------------------------

سرم درد بهيته تا حد گردن                     اجل برسيه ونه بمردن

اجل ماره نکوش ما نوجوانيم                    گل نشکفته ي مازندرانيم

----------------------------------------------------

ساري سور دار چند چلّه دارنه                  دِتا بلبل ونه سر ناله دارنه

يکي بلبل که داغ وچه دارنه                     يکي بلبل عاشق گم کرده دارنه

----------------------------------------------------

بلند بالخانه بلند پرده                              من و تو هنيشيم هرده به هرده

انده هنيشيم آ آفتاب دگرده                      امه کهنه دشمن دل بترکه

----------------------------------------------------

بنال بلبل بنال تا من بنالم                        ته درد گل من درد يارم

ته درد گل بنال شش ماه و شش روز          من درد يار بنالم هر شب و روز

----------------------------------------------------

اِسپه پيرهن نکن ته تن دياره                    يواش يواش برو مه مار بيداره

يواش يواش برو انجيل سايه                     نا مه مار بشناسه نا مه همسايه

----------------------------------------------------

هراز او بمو پل ره بورده                           من و مه دلبر دل ره بورده

رفقون جمع بوين پل ره بسازين                 من و مه دلبر دل ره بسازين

----------------------------------------------------

بلندِ قد دارنه بلندِ بازو                              بلند دَروِن سر گيرنه وضو

من آ ته هنيشيم زانو به زانو                      ته دل درد دره آ مه دل آرزو

----------------------------------------------------

کيجاي سره پيش دار دارنه هلي               دِتا طِلا درِنه گِنه اميري

الهي طلا آ نيره ته گلي                          مگر ته دل دره درد عاشقي

----------------------------------------------------

شباي زمستون دارمه انتظار                    نيشتمه نال سر ندارمه قرار

ته ره قسم دمبه جان ته برار                    مه دل نشکن آ برو مه کنار

----------------------------------------------------

فلک آخر مه ره غريب هاکرده                    از ديدن ته بي نصيب هاکرده

مه ره دور از منه طبيب هاکرده                  کهنه دشمن ره مه رقيب هاکرده

----------------------------------------------------

نيشتبيِمه شه سِره من زومه ناله              بِلبل خَوِر بياده نوبِهاره

درد عاشقي دارمه و نوونه چاره                 مست بلبل ته ناله ره بلاره

----------------------------------------------------

شب وروز ته وِسّه من زمّه ناله                دل من تنگ بيّه نوونه پاره

دِشمِنون شماره هاکنم چه کار                نينگنين جدايي من و منه يار

----------------------------------------------------

خدايا سر هدايي سامون هده                خدايا درد هدايي درمون هده

ته جه من نخواسمه مال و سرمايه          جان خدا مه ره همزبون هده

----------------------------------------------------

چندِ من هِرسّم کَلِک کناره                     چند من هاکنم ستار شماره

شيشک و ترازي همه شونّه مار               آخرش  نموئه مه قشنگ يار

----------------------------------------------------

مسلمونون مه ره با کارد بکوشين            مه گوشت ره بِورين دهات بروشين

مه گوشت ره بورين دهات به دهات          همه ره کم هدين مه يارره زياد


 

 

 

 

 

بهمن ماه 1391 در وبسايت روستا درج شده است. 

 

ارسال نظر

وبسايت روستا مجاز به ویرایش ادبی نظرات مخاطبان است و از انتشار نظراتی که حاوی توهین یا بی‌احترامی به اشخاص حقيقي يا حقوقي و موارد مغایر با قوانین كشور باشد معذور است.

کد امنیتی
بارگزاری مجدد

نظرات  

 
0 # مهد ي مهجوري در تاریخ: چهارشنبه 16 اسفند 1391 ، ساعت 12:12 ب ظ
شعر هاي زيباي هستن اگر امكان داره معني فارسي روهم بنوسيد خيلي زيبا تر مي شه.
نقل قول
 
 
0 # سیدحسین هاشمی کروکلایی در تاریخ: سه شنبه 06 مرداد 1394 ، ساعت 02:05 ب ظ
باسلام باآرزوی قبولی طاعات و خسته نباشید خدمت شما زحمت کشان

به پیشنهاد بنده اگر امکان داشت یک بخشی هم جهت مطالب طنز و فکایی اختصاص دهید تا جوانان عزیز روستا بیشتر و مشناقانه تر مشارکت داشته باشند.البته مطالب قابل پخش باشد.




وبسایت روستا:
با سلام و سپاس از توجه شما.

سال گذشته مطرح شد که مورد تایید اعضای وبسایت روستا قرار نگرفت.
نقل قول
 
درباره روستا
شهدا
حماسه سازان
مردم شناسی
کشاورزی
مشاغل و صنایع
آموزش
ورزش
زنان
خیرین
روستائيان نمونه
بنياد علمي فريد
آئينهاي مذهبي
نهادهای اجرایی
بهداشت
مقالات و مطالب مختلف
دیگر موضوعات

 

 

روستــا20