*اطلاعات موجود در سایت بیشتر بصورت میدانی جمع آوری شده است و احتمال اشتباه وجود دارد . ما را در رفع اشتباهات و تکمیل اطلاعات، یاری نمایید . منتظر ارسال مقالات، مطالب و دست نوشته های شما اهالی روستا، درباره موضوعات مختلف هستیم*

ابنواي خطّه ی حموم... يادش بخير

 

صِواحي سر ، اذان گِدِر ، ياد نشونه كه امِه پرون، اِماره راس كِردنِه كه بوُريم حموم. اِما هم خوُي دِلِه ، گرم كِرسي بن جا ، زور پشتي ، با ناراحتي ونِسِّه سارخ يا ساكِ حموم ره دِماسيم ، شه پروُ بِرارونِ هِمراه بوُريم حموم.

 

اِسا كِجه ي حموم؟! اتا حموم عمومي خَطّه سَر داشتِمي كه خَطّه ي حموم معروف بي يه. محل دِله هم دِسِه تا حموُم داشتِمي. اتا مدرسه ي وَر بي يه، رمضون سِره شوُنه روبرو. اتا ديگه هم حاجي سید محمد شوُنه حموم بي يه، اتا حموم ديگه هم حاجي ابول شوُنه سِره پلي. اسا اون قديم حموم(صفي لاله آبادي) كه خله قديمتر بي يه ره كه يادش بخير.

 

اين پنجي خوامي خطه ي حموم صحبت ره هكنيم.

يادش بخير.... اتا نمره هم داشته، كه وره كچيك حموم گتنه. اونتا هم باكلاسا و پولداراي نهي يه. صواحي كه زنانه حموم بي يه ، اتا مردي خواسه بوره حموم ، شي يه حموم نمره.

 

هَمتي هِدار په بوردمِه حمومِ ور ، تصادفی بدیمِه حاجی سلطون ممدلی شِه دکون دِله نيشته، بوُردمِه ونِ پلی، حمومِ خَوري بپرسیمه. اتي دلِ وس اطلاعات نداشته، فقط دونسِّه که 1347 هجري شمسي خطه ي حموم افتتاح بهي يه. حاجي محمود و حاجي نصراله خدابیامرزي، حاجي سلطون، حاج آقابابا و حاج خلیل، ولي نجفي(ولي نجفي مار، وشون خواخر بي يه) شيش نفري همباز بينه اينتا حموم ره.

 

 آقا ممدلی چيز ديگه اي ندونسه. بهوُته حاج محمودِ رضا، خار خار دونه حموم خوري، اسا ونه پيتا هكردن هم ، راحت ني يه. من كه خله پي گير بهي بيمه، هر جور بي يه وره پيتا هكردمه.

 

اِتي كه حاجي محمودِ رضا گته؛

حمومی هایی که اونجه کار هکرد بينه، علي اصغر مهدی پور خدابيامرزي با ونه خانم خاور خاله، موسی غلامی با ونه خانم فرنگیز خاله خدابيامري، دوست محمد میرآقا با ونه خانم کبوتر خاله، اتا مردي به نوم ولی زاده هم كه بابلي بي يه، چند سال اینجه حمومی بی نه.

اوي مصرفي حموم هم، اتا چاه جا تامين بي يه ، که اونجه بزه بينه. حمومِ او، اول پمپ جا، شي يه مخزن بتونی بالای حموم دله، ارتفاع مخزن هم باعث بي يه كه، او با فشار وارد لوله های سرد و گرم بَهوُ وه. جالب اين بي يه كه همیشه حمومی ها اينتا مسئله ي جا دعوا داشتنه با اونايي كه حموم دهينه. بخصوص زنان جا. زنان خله او شَنينه. حمومی ها هم دادو بيدا کردنه. زنان جا خواسنه، کمتر او بشنن(مصرف هکنن).

 نهوت نمونه، پير زنان و پير مردم هم هلا ويشتر حموم دله مونسّنه و ديا ني يمونه. بعضي موقع سه تا چهار ساعت هم حموم دله دهينه كه حمومي داد ، در اي يمو.

 

سوخت حموم هم نفت سیاه بی يه، آخر آخرا هم ، گازوییل جا حموم ره گرم كِردنه.

حموم هم انِّه گت نهي يه. اتا محوطه رختکن داشته حدود سه و نیم در سه و نیم متر ، چهار گوش بی يه. وسط رختکن اتا گت حوض داشته که همیشه ونه دله او دهيه. البته بچا او. رختکن دور هم سکو داشته که سکوي بن کفش کنی بی يه. ونه بالا هم  مردم و زنان، شه سارخ لباس يا ساك ره اشتنه.

بعد وه، اتا در داشته كه راهروي دله شينه. اينتا راهرو سه تا در داشته.

درِ سمت راستي، دستشويي بي يه، سمت چپ در هم، درِ تميزخنه بي يه.  روبروي در هم، درِ ورودي سالن حموم بي يه.

  حمومِ كف، سالِ دوازده ماه گرم بي يه. اَمِه پروُ مارون عادت داشتنه ، یک ساعت اول هیچ کاری نظافت هكردنِ وسه، انجام ندانه ، معمولا گوشه گرم حموم نیش بینه تا بقول معروف وشون تن دپیسه ، بعد از اون شروع کردنه با تنمال کیسه، شه تن ره بَسوسِّن.

سالنِ اصلي حدود 12 متر مربع ونه مساحت بي يه. اتا كچيك حوض قسمت شمالي سالن يا سمت راست سالن كه در  دله  اي يَمي ، بسات بي نه كه دتا شير او داشته. اتا گرم، اتا سرد.

روبروي در اصلي سالن، دتا در دیگه داشته كه ونه دله دوش نصب بیه. كسي كه تازه اي يمو حموم ، يا خواسه او بَكِشِه حموم جا در بوُره، شي يه ونه دله دوش گيته.

تا اونجه ای که مره یاد انه، کرایه حموم دهه پنجاه  دِزار (دو ریال) بی يه. هنتي به پنج زار ، يك تِمن وُ دِ تمن(بیست ریال) هم برسیه. آخرین قیمتی که ديگه حموم در دهيه دَوِس بي يه، به بيست تمن هم برسي بي يه. وچوني كه مدرسه نشي بون وشون حموم مز، كمتر بي يه.

هر وقت حموم خراب بهي بو مثلا" لوله( اِنج ) بِشكِس بو ، يا سوخت نداشت بون ، يا هر دليل ديگه اي كه حموم دوِس باشبو، گتنه حموم كل( kal) هسه.

اتي كه كبلي ميرآقا گته؛ وقتي حموم انج اشكسه، ونسه تيلي(تيلر كشاورزي) جا اينتا اونتاي سره 20 ليتري دله او دكنيم بَوِ ريم بشِنيم خزانه ي حموم ره مشت هكنيم. درد سر خله داشته. چون حموم خله مهم و واجب بي يه، مردم وسه. بهرحال همه مسلمون هسمي و نظافت هم خله خله مهم بي يه. بويژه نماز بخونسن وسه.

 

البته نهوت نمونه عروسي هم كه بي يه، داماد ور اتا هفته كار داشته روز عروسي، اي يمونه اتا دِ ساعت حموم ره پيش پيش اجاره كردنه. مثلا" اگه حموم مز 2 تمن بي يه، وشون 50 تا 60 تمن هم عاروس وَرِ حموم ، هم داماد ور حموم وسه، اجاره كردنه. البته كولك دي كري و شيريني حموم هم، سيوا حمومي ره دانه.

 

عاروس حموم وُ داماد حموم، خله مزه داشته. رختكن دله ساز زوُنه و رقص كردنه.  چند نفر هم حموم دِواشبون وشوُن حموم مز ره هم بعضي موقع يكسره دامادِ ور حساب كِردنه. ده حموم هم، همينجوري بي يه.

 

خَطّه ي حموم، نيم ساعت كار داشته اذان باز بي يه تا ساعت هفتِ صواحي.

اين موقع مردانه بي يه يعني مردِم شينه حموم. ساعت هفت تا 12 ظهر هم ، زنانه بي يه. ساعت يك بعدازظهر تا اذان مغرب گِدِر هم ، مردانه بي يه.


نهوت نمونه خطّه ي حموم اتا واحد نمره هم داشته. چون صواحي زنانه حموم بي يه، اتا مردي خواسه حموم بوره، شي يه حموم نمره. بعد از ظهر ها هم برعکس. البته كرايه نمره و عمومي هم فرقي نداشته.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

تهیه و تنظیم: مهدی قاسمی ایمنی

     عكس ها: سيد هادي حسيني ايمني

 

ممنوندارمي آقايون: محمدعلي حسيني ايمني(حاجی سلطون)، سيد رضا حسيني ايمني(حاجی محمود)، سيد ميرآقا حسيني ايمني

 

 

 

 

ارسال نظر

وبسايت روستا مجاز به ویرایش ادبی نظرات مخاطبان است و از انتشار نظراتی که حاوی توهین یا بی‌احترامی به اشخاص حقيقي يا حقوقي و موارد مغایر با قوانین كشور باشد معذور است.

کد امنیتی
بارگزاری مجدد

نظرات  

 
0 # ۰۰۹۸۱۱۳۲۱۱ در تاریخ: جمعه 23 بهمن 1394 ، ساعت 01:11 ب ظ
یادش بخیر...
نقل قول
 
 
0 # سید رضا در تاریخ: جمعه 23 بهمن 1394 ، ساعت 07:11 ب ظ
واقعا جالب بیه
نقل قول
 
 
0 # حسینی در تاریخ: یکشنبه 02 اسفند 1394 ، ساعت 12:12 ب ظ
وای چه کار خوبی کردین یادش به خیر .....همراه خود مون میبردیم تو حموم میخوردیم با اینکه نون خیس میشد ولی چقدرخوردنش لذت داشت
نقل قول
 
درباره روستا
شهدا
حماسه سازان
مردم شناسی
کشاورزی
مشاغل و صنایع
آموزش
ورزش
زنان
خیرین
روستائيان نمونه
بنياد علمي فريد
آئينهاي مذهبي
نهادهای اجرایی
بهداشت
مقالات و مطالب مختلف
دیگر موضوعات

 

 

روستــا20