*اطلاعات موجود در سایت بیشتر بصورت میدانی جمع آوری شده است و احتمال اشتباه وجود دارد . ما را در رفع اشتباهات و تکمیل اطلاعات، یاری نمایید . منتظر ارسال مقالات، مطالب و دست نوشته های شما اهالی روستا، درباره موضوعات مختلف هستیم*

دِتا کِلی سیکا داشته مه نن جان

 

 

 

 

دِتا کِلی سیکا داشته مه نن جان

زرینه گوگزا داشته مه نن جان

 

جِمه شلوار، وِنِه کلوش سیودار

سه تا دَنون طِلا داشته مه نن جان

 

گِل عمو کایر آ گِل پَمه مِزّیر

دِلِه بَیته کیکا داشته مه نن جان

 

زمسّونِ ورفِ روز، عیدی شوئه ما

یه تا چارقدکلا داشته مه نن جان

 

صِواحی تا نماشون هامج هامج

بخرده تن کوما داشته مه نن جان

 

اَتی چنگل ره ترشی کِرده نن جان

بچا پلای خِرشی کرده نن جان

 

تلای ونگ وا ، اذان وقته

ندوشته گو ره داشتن چنّه سخته!

 

هف هش تا گو ره دوشته تا صواحی

کِلوم دله، سروُشته تا صواحی

 

گته جانِ خدا مه شو بلنّه

تش هیته شونسِ بکُ بو بلنّه

 

دشونِ ترشِ ماسِ تو هدائن

کچه کرک، چنیکا ره جو هدائن

 

صِوی سر، چاربیداری کِرده نن جان

نماشون، وچه ماری کِرده نن جان

 

پمه جاره وجین کرده تناری

شه هسلی ره سرین کرده تناری

 

ونه کرکُ سیکای دور بَگردم

ونه کِلی تلای دور بَگردم

 

ونه مسواک دنون کجه دیّه

ونه دنون طلای دور بگردم

 

یه تا وسنی، پیرِ شی، رِز رِز سِک

گِلی سر هیای دور بگردم

 

ونه گلجیم می، امّس راغون

ونه سر حنای دور بگردم

 

کئوک جاره دله ، لمپا سو پشتی

ونه کمر دلای دور بگردم

 

اتا کم سال ماه چرخ هیته ورکا

ونه چکه سمای دور بگردم

 

 


 

شعري از  احمد غفاري

 

 

 

ارسال نظر

وبسايت روستا مجاز به ویرایش ادبی نظرات مخاطبان است و از انتشار نظراتی که حاوی توهین یا بی‌احترامی به اشخاص حقيقي يا حقوقي و موارد مغایر با قوانین كشور باشد معذور است.

کد امنیتی
بارگزاری مجدد

نظرات  

 
+2 # 0098113211 در تاریخ: یکشنبه 09 آذر 1393 ، ساعت 01:09 ب ظ
شمه خنابدون خله قشنگ بیه...
نقل قول
 
 
+1 # افشین لاسمی ایمنی در تاریخ: یکشنبه 09 آذر 1393 ، ساعت 08:09 ب ظ
چه شاد و سرحال بیه نن جان / سوایی خدا راس بیه نن جان
شیه کلوم و شیر دوشته نن جان/ ونه مار مار صدا راس بیه نن جان
عجب لتکا و باغی داشته نن جان / سرسم واوجی، نعنا داشته نن جان
اناردارو ازگل دار داشته نن جان/ولیک دارو کیی نار داشته نن جان
بشته زیک، بهو دونه داشته نن جان /آغوز کل، کنس جابدا داشته نن جان
تندیر نون و کوماجو و خشک نون / سرسم بزه ماست، بچه پلا داشته نن جان
ندومه چنه بوم از ته خوبی / خدا تره مه جا زود بیته نن جان.
(یاد و خاطراتشان گرامی)
نقل قول
 
 
0 # mوm در تاریخ: یکشنبه 09 آذر 1393 ، ساعت 08:09 ب ظ
جالب و زیبا...
نقل قول
 
درباره روستا
شهدا
حماسه سازان
مردم شناسی
کشاورزی
مشاغل و صنایع
آموزش
ورزش
زنان
خیرین
روستائيان نمونه
بنياد علمي فريد
آئينهاي مذهبي
نهادهای اجرایی
بهداشت
مقالات و مطالب مختلف
دیگر موضوعات

 

 

روستــا20